27 de maio de 2018

Restringido   Contacto  Engador a Favoritos

Inicio

AGRUPACIÓN SOCIALISTA DE SALCEDA DE CASELAS

 


Home / NOVAS / SALCEDA DE CASELAS / OS SOCIALISTAS DE SALCEDA PRESENTAN ALEG

SALCEDA DE CASELAS

OS SOCIALISTAS DE SALCEDA PRESENTAN ALEGACIÓNS ÓS ORZAMENTOS DA XUNTA

A principal alegación que presentou a executiva local foi a de que a Xunta recolla no seu orzamento a partida orzamentaria para o Centro de Saúde de Salceda de Caselas.

 

A deputada socialista do Parlamento de Galicia, Carmen Gallego visitou Salceda, motivada pola presentación de alegacións feitas polos socialistas de Salceda ó orzamento da Xunta.

Entre as alegacións contemplan a mellora da seguridade no acceso das parroquias de San Xurxo e Picoña, a estrada PO-510, neste intre non dispón de carril de aceleración o que supón un importante perigo.

Aínda que, a principal alegación que presentou a executiva local foi a de que a Xunta recolla no seu orzamento a partida orzamentaria para o Centro de Saúde de Salceda de Caselas.

Verónica Tourón, vicesecretaria xeral dos socialistas de Salceda, fixo especial incidencia neste punto “como nai considero imprescindible que teñamos un centro sanitario axeitado a nosa poboación, o servizo de pediatría é especialmente deficiente. Neste momento creo que debemos renunciar a infraestruturas que non sexan urxentes e volcarnos nas realmente necesarias. Chegado o punto de que a Xunta decide non investir en obras básicas como estas, terá o goberno local, aínda non sendo a súa competencia, que tomar decisións priorizando a mellora deste servizo esencial por encima de outras infraestructuras.”

Os socialistas vimos solicitando esta emenda en todos os orzamentos da Xunta dende o 2010, solicitando unha partida específica para que se inicie o centro de saúde de Salceda e o Partido Popular ven sistematicamente votando en contra cada ano.

Marina Cabaleiro, portavoz socialista do concello, quere salientar, “a desculpa do PP de non ter os terreos non é admisible, xa que os terreos están en man da Xunta dende o ano 2011. De todas maneiras é unha política máis das que nos ten acostumados este goberno do Partido Popular, basta mirar que o gasto social baixou un 8% dende que goberna Feijóo, mentres que a pobreza incrementouse nun 20%”

A executiva aproveitou a reunión coa deputada para valorar a polémica obra do “carril bici”, xa que consideran que rectificar é de sabios e debemos escoitar e valorar as propostas e melloras que os veciños e veciñas nos están a facer, xa que eles saben mellor que nos da problemática do lugar.

 

 

 

 

 

Considera que sería axeitado facer un avance informativo do PXOM?

Si

Non

Indiferente


Hay 3 votos hasta ahora.

Ver Resultados

PSdeG-PSOE,
E-mail: salcedadecaselas@psdeg-psoe.org
Configuración óptima 1024*768 / IE, Nestcape 4.0 ó superiores y Opera