27 de maio de 2018

Restringido   Contacto  Engador a Favoritos

Inicio

AGRUPACIÓN SOCIALISTA DE SALCEDA DE CASELAS

 


Home / NOVAS / SALCEDA DE CASELAS / CHARLA INFORMATIVA PLAN XERAL (PXOM)

SALCEDA DE CASELAS

CHARLA INFORMATIVA PLAN XERAL (PXOM)

En palabras de Mauricio Ruiz “Non só é legal senón que é recomendable facer un avance do Plan Xeral. Son os cidadáns e os concelleiros os que deciden, non as empresas redactoras”.

 

A Casa da Cultura de Salceda de Caselas, acolleu onte venres unha charla informativa sobre como elaborar e aprobar un Plan Xeral coa participación cidadá.

Este acto levado a cabo polos socialistas contou coa presenza de Marina Cabaleiro, portavoz socialista no concello, Verónica Tourón candidata á Alcaldía e Mauricio Ruiz Ceniceros, avogado e profesor asociado da Universidade de Vigo.

Mauricio Ruiz, concelleiro no Concello de Vigo entre os anos 2003 e 2007, xa participou daquela na elaboración do Plan Xeral de Vigo, explicou ó público presente as distintas formas de incluír a participación da cidadanía na elaboración do Plan Xeral.

“Os socialistas de Salceda queremos un Avance Informativo do PXOM, queremos que os veciños e veciñas sexan partícipes dende o primeiro momento. Que sexan coñecedores e que aporten ideas que se poidan plasmar no Plan Xeral. O primeiro Plan Xeral que vai ter Salceda é unha oportunidade para comezar a facer as cousas ben, non a perdamos”, palabras de Verónica Tourón na súa exposición.

Marina Cabaleiro, portavoz socialista no concello e actual secretaria de organización, lembrou ós presentes o seu abandono na comisión informativa do PXOM, e tamén expuxo os motivos polo cal o fixo, volvendo a incidir que un Plan Xeral é cousa de todos, non é algo que se poida aprobar en tres tardes sen contar con ninguén.

En palabras de Mauricio Ruiz “Non só é legal senón que é recomendable facer un avance do Plan Xeral. Son os cidadáns e os concelleiros os que deciden, non as empresas redactoras”.

Moitos dos presentes que se achegaron ó acto, aproveitaron a ocasión para resolver dúbidas co invitado, xa que é considerado un amplo coñecedor de temas urbanísticos.

 

 

 

 

 

Considera que sería axeitado facer un avance informativo do PXOM?

Si

Non

Indiferente


Hay 3 votos hasta ahora.

Ver Resultados

PSdeG-PSOE,
E-mail: salcedadecaselas@psdeg-psoe.org
Configuración óptima 1024*768 / IE, Nestcape 4.0 ó superiores y Opera